Magjia e sezonit të festave në Bunk'Art 2

Magjia e festave ka filluar në Bunk'Art 2, duke sjellë një atmosferë të ngrohtë dhe nostalgjike për të gjithë ata që vizitojnë këtë vend historik. Festat e nëntorit dhe ato të ndërrimit të vitit rikthehen në këtë ambient, ku dekorimet e thjeshta dhe simbolike krijojnë një përvojë unike për çdo vizitor.

Pema e Krishtlindjeve në Bunk'Art 2 është e dekoruar me letër shumëngjyrëshe, pambuk, tollumbace, kartolina dhe një yll të vendosur në majë, një simbol që përfaqëson periudhën e regjimit të dikurshëm. 

Pema e thjeshtë dhe dekorimet e saj i japin një shije të veçantë atmosferës festive, duke na kujtuar se si shqiptarët kalonin momentet e festave mes thjeshtësisë dhe forcës së regjimit. Për ata që duan të zbulojnë një pjesë të historisë së Shqipërisë dhe të përjetojnë një atmosferë të veçantë, Bunk'Art 2 është vendi i duhur për të vizituar gjatë sezonit të festave.