Çfarë duhet të dini para se të vizitoni Bunk'Art 2

Bunk'Art 2 është një muze historik i ndodhur në qendër të Tiranës. Muzeu është ndërtuar në një bunker nëntokësor dhe përbëhet nga 24 dhoma, duke mbuluar një hapësirë prej 1000 m2;. Ky muze, apo ish-tuneli i Ministrisë së Brendshme, është i ndarë ndarë në tri seksione të mëdha kohore: Xhandamëria nga Pavarësia deri në Luftën e Dytë Botërore (1912-1939), Forcat e rendit nga pushtimi nazifashist deri të Clirimi (1939-1944) dhe Policia dhe Sigurimi në kohën e diktaturës (1944-1991). Bunk'Art 2 është një nga atraksionet më të vizituara në Shqipëri dhe ofron një pasqyrë të gjallë të historisë së vendit, veçanërisht periudhën e komunizmit dhe rolin e policisë sekrete, Sigurimi. Muzeu është i hapur çdo ditë dhe është një destinacion interesant për të eksploruar në Tiranë. Çfarë duhet të dini para se të vizitoni muzeun...

 

1. Vendndodhja dhe Struktura

Bunk'Art 2 ndodhet në qendër të Tiranës, vetëm 30 sekonda larg nga sheshi ‘Skënderbej’. Muzeu përfshin 24 dhoma dhe një hapësirë prej 1000 m2;.

 

2. Ekspozitat Historike

Muzeu ofron një pasqyrë të historisë shqiptare përmes ekspozitave historike dhe instalacioneve artistike. Vizitorët mund të mësojnë rreth periudhave të ndryshme historike, nga themelimi i Sigurimit në vitet e para të regjimit komunist, roli i policisë sekrete në ndjekjen dhe persekutimin e kundërshtarëve politikë, deri te përmbysja e regjimit komunist më 1990. Për të eksploruar plotësisht muzeun, do t'ju duhet 1 orë.

 

3. Orari dhe Biletat

Muzeu është i hapur çdo ditë. Ju mund të blini një biletë të kombinuar për të vizituar si Bunk'Art 1 ashtu edhe Bunk'Art 2, bileta është e vlefshme për 3 ditë (72 orë). Gjithashtu, përveç biletave standarte, mund të merrni edhe guidë personale ose audioguidë në gjuhën angleze ose italiane. Për audioguidën, sigurohuni të merrni kufjet tuaja me vete.

 

4. Informacioni Historik

Në muze do të gjeni fakte historike, dokumenta dhe dëshmi nga e kaluara. Çdo informacion është i shkruar në gjuhën shqipe dhe angleze, duke e bërë të lehtë për vizitorët të kuptojnë historinë e Shqipërisë.