"Në Tunelet e Shqipërisë Sekrete'' - Një dëshmi mbi regjimin komunist

Historia ka një mënyrë të veçantë për të na kujtuar të kaluarën dhe për të na ndihmuar të mos përsërisim gabimet e saj. Historia e një kombi përfaqëson kujtesën e tij kolektive, dhe njohja e saj është thelbësore për të kuptuar të tashmen.

“Në Tunelet e Shqipërisë Sekrete” është një libër që sjell një rrëfim të thelluar mbi diktaturën që dominoi Shqipërinë për 45 vite.

Autori i librit, gazetari italian Carlo Bollino, ideator dhe kurator i projektit BUNK'ART, sjell një analizë të hollësishme të regjimit diktatorial të Enver Hoxhës, duke u bazuar në dokumente origjinale të kohës. Në kërkimin historik dhe dokumentar kanë dhënë kontributin e tyre të çmuar profesoresha Sonila Boçi e Universitetit të Tiranës dhe gazetarja Admirina Peçi.

Ndryshe nga kombet e mëdha, ku kontrolli totalitar kishte vështirësi të shtrihej deri në skajet më të largëta të shoqërisë, në Shqipëri u ndërthurën mjete brutale të frikësimit dhe survejimit, duke krijuar një makineri policore të pamëshirshme që kontrollonte çdo individ.

Për 45 vite, Shqipëria përjetoi një sistem kontrolli të pamëshirshëm, ku çdo individ ishte nën mbikëqyrje. Ky botim ndihmon lexuesin të kuptojë se si funksiononte ky mekanizëm dhe çfarë ndikimi pati në shoqërinë shqiptare.

Një udhërrëfyes për të kuptuar të shkuarën, por edhe një reflektim i domosdoshëm mbi lirinë – sa e brishtë është ajo dhe sa lehtë mund të rrëzohet kur pushteti nuk ka kufij.

“Në Tunelet e Shqipërisë Sekrete” është tani i disponueshëm në BUNK'ART 1 dhe BUNK'ART 2, në tre gjuhë: shqip, anglisht dhe italisht. Një libër i domosdoshëm për të gjithë ata që duan të kuptojnë të kaluarën dhe të nxjerrin mësime për të ardhmen.