Për të kuptuar të kaluarën komuniste të Shqipërisë, vizitoni muzeun e Bunk'Art 2

Bunk'Art 2 u ndërtua gjatë viteve '80, në periudhën e diktaturës së Enver Hoxhës, si pjesë e strategjisë së mbrojtjes në Shqipëri. Bunkeri u ndërtua në një periudhë kur frika nga një sulm i mundshëm ushtarak ishte shumë e lartë.

Bunkeri kishte për qëllim të siguronte mbrojtje për zyrtarët më të lartë të shtetit, në rast të një sulmi bërthamor apo ndonjë kërcënimi tjetër të madh.

 

Historia që përmban Bunk'Art 2

Nga bunker, tashmë, i shndërruar në një muze, Bunk’Art 2 përmban histori të rëndësishme nga periudha e diktaturës komuniste, duke përfshirë dhe policinë sekrete, Sigurimi. Ekspozitat e muzeut ofrojnë një pasqyrë të gjerë të metodave të kontrollit dhe represionit të përdorura nga regjimi komunist për të mbajtur pushtetin dhe për të shtypur çdo formë të kundërshtimit.

 

- Periudha e Pasluftës dhe Regjimi Komunist: Fokusohet në vitet e para pas Luftës së Dytë Botërore kur regjimi komunist erdhi në pushtet, duke përfshirë krijimin e institucioneve të reja të sigurisë.

- Struktura dhe Roli i Ministrisë së Brendshme: Ky seksion paraqet organizimin dhe funksionet e Ministrisë së Brendshme, duke përfshirë rolin e saj në mbajtjen e rendit dhe kontrollin e popullatës.

- Sigurimi i Shtetit dhe Represioni: Tregon për aktivitetet e policisë sekrete, Sigurimi, dhe metodat e saj për të mbikëqyrur, arrestuar dhe ndëshkuar kundërshtarët e regjimit. Ky seksion përfshin ekspozita për torturat dhe internimet.

 

Në këtë muze, vizitorët mund të mësojnë për historinë e ndëshkimeve të ndryshme dhe represionit ndaj shqiptarëve gjatë regjimit komunist. Nga njerëzit e thjeshtë deri te kundërshtarët politikë, të cilët kanë përjetuar forma të ndryshme të persekutimit.