TripAdvisor i jep çmimin "Zgjedhja e udhëtarëve 2022" edhe këtë vit për Bunk'Art1 dhe Bunk'Art2: Më të preferuarat nga turistët!

TripAdvisor, website-i më i rëndësishëm i informacionit të udhëtimit në botë, edhe këtë vit njeh destinacionet turistike që kanë marrë komente të shkëlqyera nga udhëtarët anembanë globit në Tripadvisor gjatë 12 muajve të fundit. Vlerësimi prestigjioz "Travelers' Choice 2022" për Shqipërinë i është dhënë Bunk'Art 1 dhe Bunk'Art 2, të cilët këtë vit janë pozicionuar gjithashtu në vendin e parë dhe të dytë ndër vendet më të vlerësuara në Shqipëri nga turistë nga e gjithë bota. . Bunk'Art1 dhe Bunk'Art2 janë muzetë e vetëm shqiptarë që kanë marrë këtë çmim.

"Urime fituesit e Tripadvisor Travelers' Choice 2022," tha Kanika Soni, Shefe Tregtare në Tripadvisor. “The Travelers' Choice Awards vlerësojnë më të mirat në turizëm dhe mikpritje, sipas atyre që kanë më shumë rëndësi: të ftuarit tuaj. Renditja në mesin e të gjithë fituesve të Zgjedhjes së Udhëtarëve është gjithmonë e vështirë – por asnjëherë më shumë se këtë vit pasi dalim nga pandemia. Qoftë përdorimi i teknologjisë së re, zbatimi i masave të sigurisë ose punësimi i personelit të jashtëzakonshëm, unë jam i impresionuar nga hapat që keni ndërmarrë për të përmbushur kërkesat e reja të udhëtarëve. Jeni përshtatur shkëlqyeshëm përballë vështirësive”, tha menaxheri komercial i Tripadvisor, “dritares” së turizmit ku miliona turistë në botë informohen dhe shprehen.