Në ambientet autentike të Bunk’Art 1 u organizua eventi i radhës: një koncert jazz me ritme elegante dhe një ekspozim markash retro, duke krijuar një udhëtim në kohë për të gjithë të pranishmit nga Hollanda.

Ngjyrat e së kaluarës u kombinuan në mënyrë harmonike me muzikën live, ndërsa vetë hapësirat e Bunk’Art 1 – me historinë dhe arkitekturën e tyre të veçantë, shtuan një dimension të ri përjetimit artistik. Evente të tilla tregojnë edhe një herë se Bunk’Art 1 nuk është thjesht një muze, por një vend ku historia takon kulturën bashkëkohore.

Nëse dëshironi që edhe eventi juaj të jetë vërtet unik dhe i paharrueshëm, zgjidhni Bunk’Art 1 si hapësirën tuaj!