Dita Ndërkombëtare e Muzeve/ Pse duhet të vizitoni me patjetër Bunk'Art 1

Pas një vizite në Bunk’Art, vizitori ka mundësi që përveç vizitës në muze të ndalet dhe të shplodh sytë në oborrin e blertë të Bunk’Art, ku ka mundësi të “takoj” natyrën e egër, ambjentin relaksues… Bunk’Art  është një dëshmi e kohës së errët të diktaturës komuniste në Shqipëri. Ky bunker i konvertuar në muze ofron një perspektivë të thellë mbi jetën nën regjimin e Enver Hoxhës dhe ndikimin e tij në shoqëri.

Ja disa arsye pse duhet të vizitoni Bunk’Art:

 

• Për të kuptuar se sa larg diktaturat mund të shkojnë. Bunk’Art 1 është një prej 173.000 bunkereve të ndërtuar gjatë diktaturës komuniste. Këto bunkere ishin pjesë e strategjisë së mbrojtjes së Shqipërisë nga një sulm i mundshëm i forcave të huaja gjatë Luftës së Ftohtë. Por ajo që bie në sy është se këto bunkere nuk ishin vetëm për mbrojtje, por edhe për kontrollin dhe mbikëqyrjen e popullit. Bunk’Art 1 është një dëshmi e ashpër e kësaj politike të diktaturës.

 

• Të njohim të shkuarën dhe të kuptojmë rëndësinë e lirisë në ditët e sotme. Vizita në Bunk’Art ju sjell përballë kushteve të vështira të jetesës gjatë diktaturës. Një ambient i errët, korridorë të ngushtë dhe dhoma të izoluara tregojnë se sa e kufizuar ishte liria e individëve.

 

• Kuptojmë se si është konceptuar mbrojtja e “luftës së ftohtë” në Shqipërinë Komuniste. Bunk’Art 1 ishte pjesë e strategjisë së mbrojtjes së Shqipërisë nga një sulm i mundshëm i forcave të huaja gjatë Luftës së Ftohtë. 

 

• Njohin historinë e Shqipërisë dhe periudhën e diktaturës komuniste. Nëpërmjet ekspozitave dhe materialeve të ekspozuara, vizitorët njihen me ngjarjet dhe personalitetet e kohës së diktaturës. Për ata që duan të kuptojnë më mirë historinë e Shqipërisë, Bunk’Art 1 është një burim i pasur i informacionit.

 

Bunk'Art ofron një udhëtim unik në historinë e Shqipërisë përmes një ekspozite të pasur dhe të mirë organizuar. Vizita në Bunk'Art është një përvojë e paharrueshme që kombinon edukimin historik me aventurën turistike.