Vjeshtë në muzeun e Bunk'Art 1

Vjeshta sjell ngjyrat më të bukura rreth Bunk’Art 1, ku natyra e malit të Dajtit ndërthuret me historinë që ruhet në 5 katet nën tokë të muzeut.
Në periudhën e vjeshtës, kur ajri freskohet dhe gjithçka rreth shndërrohet në nuanca të arta, vizita në Bunk’Art 1 bëhet edhe më e veçantë.

Jashtë, qetësia e natyrës dhe pamja e gjelbër në të artë krijojnë një atmosferë relaksi, ndërsa brenda, historia e Shqipërisë nga Lufta e Dytë Botërore deri në fund të regjimit totalitar shpaloset përmes dhomave, dokumenteve dhe ekspozitave origjinale.

I ndërtuar fillimisht si bunker antibërthamor për udhëheqjen e lartë, sot Bunk’Art 1 është një nga muzetë më mbresëlënës dhe më të vizituar në vend, një vend ku e kaluara takohet me qetësinë e natyrës.

Koha perfekte për ta vizituar, një udhëtim mes historisë, artit dhe peizazhit që të fton të ndalesh, të reflektosh dhe të përjetosh një tjetër dimension të Tiranës.